Video Queen wa mwanamuziki Sunday Mangu ‘Linex’ aliyeng’arisha Wimbo wa
Ifola, Janeth Bundala amedai kutishiwa maisha na mfanyabiashara mmoja
aliyemtaja kwa jina la Johari Ali, kisa kikiwa ni kuzaa na aliyekuwa
mpenzi wake.
Akizungumza na Ijumaa katika ofisi za gazeti hili, Janeth alisema
mama huyo ambaye anamheshimu sana hakutarajia kama angeweza kumtishia
maisha wakati mwanaume anayetajwa alishaachana naye.
“Yule mwanaume niliyezaa naye ni kweli alikuwa mpenzi wa yule mama
lakini walishaachana, sasa nashangaa ananitumia sms za vitisho.
Nimekwenda kutoa taarifa polisi na kumfungulia jalada la kesi lenye
namba KJN\RB\6333/14, chochote kitakachonikuta ataisaidia polisi,”
alisema Janeth.
Ijumaa lilimpigia simu Johari na kumsomea mashitaka yake ambapo alisema yuko China na hamjui Janeth.
