Leo yalikua ni Mazishi ya aliyekua muimbaji wa African Revolution na baadae Double M Sound Amina ngaluma ambaye alifariki mchana wa Mei 15 akiwa Thailand ambako ndiko alikohamishia makazi yake kikazi ambapo alikua akifanya kazi na band ya Jambo Survivors.
Kifo cha Amina Ngaluma ‘Japanese’ kilitokea baada ya kuumwa kwa siku nne ambapo mume wake alipozungumza na millardayo.com amesema kiongozi wa band yao huko Thailand alimwambia Amina alilazwa hospitali kutokana na maumivu makali ya kichwa,mwili wa Amina Ngaluma ulipokelewa jana Mei 23 na saa 6 kasoro za usiku taratibu za kuutoa mwili huo nje zilikamilika.
Amina ngaluma amezikwa mchana wa leo kwenye makaburi ya Machimbo Mnarani Dar es salaam.mahali ambako inaishi familia yake.
