Kocha Mkuu wa Simba, Zdravko Logarusic.
Na Wilbert Molandi
KATIKA kuhakikisha timu yake inafunga mabao mengi katika msimu ujao wa Ligi Kuu Bara, Kocha Mkuu wa Simba, Zdravko Logarusic, amekuja na mbinu mpya kwenye kikosi chake.Kocha huyo ambaye raia wa Croatia, alianza kutoa mbinu hizo juzi Alhamisi kwenye mazoezi yake yaliyofanyika kwenye Uwanja wa Ununio, Boko jijini Dar es Salaam.
KATIKA kuhakikisha timu yake inafunga mabao mengi katika msimu ujao wa Ligi Kuu Bara, Kocha Mkuu wa Simba, Zdravko Logarusic, amekuja na mbinu mpya kwenye kikosi chake.Kocha huyo ambaye raia wa Croatia, alianza kutoa mbinu hizo juzi Alhamisi kwenye mazoezi yake yaliyofanyika kwenye Uwanja wa Ununio, Boko jijini Dar es Salaam.
Kwenye mazoezi hayo, kocha huyo aliwapa mbinu mbalimbali za kufunga mabao huku akiwatumia mabeki, viungo na washambuliaji katika kufunga mabao.
Moja ya programu alizowapa wachezaji wake hao ni kupigiana pasi ndefu wakiwa wamesimama mita 20 karibu na goli na kutuliziana kabla ya kupiga mashuti golini.
Wakati wachezaji hao wanapiga mashuti hayo golini, makipa walikuwa wakipishana kwa zamu wakiongozwa na mkongwe, Ivo Mapunda, Hussein Sharifu ‘Casillas’ na Manyika Peter Junior.
Programu nyingine aliyoitoa kocha huyo ni kuunganishiana krosi walizopigiana wachezaji hao za mita 20 kwa zamu na kupiga mashuti golini.
Programu nyingine aliyoitoa kocha huyo ni kuunganishiana krosi walizopigiana wachezaji hao za mita 20 kwa zamu na kupiga mashuti golini.
Mazoezi hayo yalionekana kivutio kwa mashabiki hao waliofika kutazama kutokana na ufanisi mkubwa wa wachezaji hao jinsi ya upigaji.Wakati mazoezi hayo yanaendelea, kocha huyo alionekana kuwa mkali na kufokea wachezaji wake kutokana na upigaji mbovu wa mashuti golini.
Katika msimu uliopita wa ligi kuu, kocha huyo aliwahi kulalamikia tatizo hilo la wachezaji wake kufika ndani ya 18 na kushindwa kupiga mashuti akiamini ndiyo tatizo kubwa la timu yake kushindwa kufanya vyema.
